ملتان کے تھانوں میں سائلین کو بہتر سہولیات فراہم کرنے کے لیے پولیس اقدامات کر رہی ہے سی پی او ملتان کا کہنا ہے کہ پولیس اہلکاروں کے رویوں میں تبدیلی کے لیے بھی کام کیا جا رہے ہیں۔
ملتان پریس کلب میں صحافیوں سے گفتگو کرتے ہوئے سی پی او ملتان صادق علی ڈوگر کا کہنا تھا کہ شہر کے 32 تھانوں میں مقدمات کے اندراج کے نظام کو بہتر بنا رہے ہیں جائیداد کے تنازع پر ایف آئی آر 24 گھنٹے کے اندر درج کی جا رہی ہے تھانوں میں سائلین کے بیٹھنے کا انتظام کیا گیا ہے اہلکاروں کے رویے تبدیل کرنے پر بھی کام کیا جا رہا ہے۔سی پی او ملتان کا مزید کہنا تھا کہ وزیر اعلی پنجاب کی سختی سے ہدایات ہیں کہ کوئی سیاسی تعیناتی نا کی جائے ہم نے کوئی ایس ایس ایچ او خلاف میرٹ نہیں لگایا۔اس موقع پر سی پی او ملتان کا کہنا تھا کہ کرائم کنٹرول کرنے کے لیے پولیس ہر ممکن اقدام اٹھا رہی ہے ملزمان کو گرفتار کرکے جو ریکوری ہوتی ہے اسے میڈیا کے سامنے اصل مالکان کے حوالے کیا جاتا ہے-
